• Kazakh
  • Russian
  • English
Жаңалықтар
Республика күні

Республика күні – бұл күнді сан ғасырлар бойы бабаларымыз аңсап, білектің күшімен тәуелсіздікке қол жеткізді. Нағыз қазақтың кеудесі қуанышқа толы болатын, халықтың думандатып тойлайтын, мерекелік көңіл – күй орнайтын ,сыйлайтын айтулы күн.Республика күніне орай  ғылыми кітапхана қабырғасында «Жаңа әлемдегі Жаңа Қазақстан», Қазақстанымыздың Егемендігіне қатысты дәріс,"Менің Қазақстаным","Республика күні - Қазақстан халқы тұтастығы мен бірегейлігі символы",«Жасай бер, Қазақ елі», «Мәңгі жаса туған елім!» атты іс – шаралар, кураторлық сағат оздырылды. Шараның мақсаты:  жас ұрпақты туған жерін, елін, халқын ардақтап өтуге үйрету, отанға деген патриоттық сезімдерін ояту,саналы, парасатты азамат етіп, еліміздің  көркеюіне үлес қосуға  тәрбиелеу,  елдің әр мерекесін мақтанышпен қарауға баулу, туған халқының тілін, мәдениетін, салт – дәстүрін қастерлейтін саналы да парасаты азаматтар тәрбиелеу. "Республика күні  - ұлттық мереке"," Менің Қазақстаным" тақырыбында кітап көрмелері шығарылды.

Тәуелсіз Қазақстанымыздың Республика күні құтты болсын! Тәуелсіздігіміз тұғырлы  болсын!

 
ACSH сандық кітапханасы

Астана мемлекеттік қызмет хабы өз ілтипатын білдіре отырып, төмендегіні хабарлайды.

Астана мемлекеттік қызмет хабы   https://www.astanacivilservicehub.org

Мемлекеттік қызметті реформалау бағытында тәжірибе мен білім алмасуға ықпал етуші көпжақты халықаралық ынтымақтастық платформа ретінде әріптестікті дамыту, әлеуетті арттыру, ғылыми және аналитикалық зерттеу жобаларын жүзеге асырады.

Осы орайда, қазіргі таңда мемлекеттік басқарудың сапасы мен тиімділігінің аса ерекше маңызды екенін ескере отырып, Хабтың соңғы басылымдарымен (кейстер, зерттеу нәтижелері, журнал) мына сілтеме бойынша танысуға болатынын хабарлаймыз: https://www.astanacivilservicehub.org/ru/library

Мемлекеттік басқару:

• Ашық [мемлекеттік] деректердің саясаты мен практикасы

• Постсоциалистік елдердегі сыбайлас жемқорлықтың алдын алу және оған қарсы іс – қимыл мәселелері бойынша кейс – стади

• Мемлекеттік аппаратты бюрократизациялау, оның ішінде ішкі әкімшілік рәсімдерді зерделеу мәселелері бойынша мониторинг және талдау нәтижелері

• Жанашыр басқару

• Мінез – құлық мемлекеттік саясаты: Қазақстан мен Еуразия өңірі үшін жаңа мүмкіндіктер мен сын тегеуріндер

• 21 ғасырдағы мемлекеттік басқару

• Посткеңестік 15 елдегі мемлекеттік басқару эволюциясы: трансформацияның әртүрлілігі

• Грузиядағы жергілікті басқару жүйесінің сипаттамасы

• Пандемия кезіндегі мемлекеттік басқару

 
Құттықтаймыз!!!

“6В03201 - Кітапхана ісі” БББ аға оқытушысы Сатагалиева Санди Муратовна 2023 жылдың қыркүйек айының 27 күні Қазан мемлекеттік мәдениет институтының диссертациялық кеңесінде, педагогика ғылымының докторы, профессор Калегина Ольга Анатольевнаның жетекшілігімен 5.10.4- "Кітапханатану, библиографиятану және кітаптану" (педагогикалық ғылымдар) ғылыми мамандығына сәйкес "Становление и развитие библиотечно - информационного образования в Республике Казахстан" атты тақырыпта кандидаттық диссертациясын сәтті қорғап шықты.

Құрметті Санди Муратовна, құттықтаймыз! Сізге ғылым жолында ақ жол тілейміз!

 
Тұсаукесер!

08 қыркүйек 2023 ж. ғылыми кітапхана қорына заңгер, ҚР Парламенті мәжілісінің депутаты Абзал Құспан өз туындысын сыйға тартты. А.Құспанның "Алаш заңгерлері" кітабы хх ғасырдың басындағы қазақ заңгерлері туралы. Мұнда олардың қысқаша өмірбаяны, қоғамда атқарған істері мен елдегі заң саласының дамуына қосқан үлесі баяндалады.

 
Қазақстан Республикасы консулдық қызметінің хроникасы

Ғылыми кітапхана қорына   Сыртқы істер министрлігінен сыйға «Қазақстан Республикасы консулдық қызметінің хроникасы» атты жаңа кітап түсті. Басылымда қазақстандық консулдық қызметтің қалыптасу тарихы, бейнеленген, консулдық қызмет қызметкерлерінің, оның ішінде шетелде қызметтік борышын атқаруға ерен еңбектері баяндалған. Сондай-ақ консулдық тарихи очерктер, оқиғалар мен фактілер берілген.  Аталған кітап халықаралық қатынастар және құқық мамандықтары бойынша білім алып жатқан студенттерімізге, сонымен қатар, дипломатиялық және консулдық қызмет саласына қызығушылық танытқан қалың оқырманға аса пайдалы деп сенеміз. «Қазақстан Республикасы консулдық қызметінің хроникасы»кітабымен тарих, экономика және құқық факультетінің оқу залында танысуға болады.

 
Экслибрис

 

 

М. Өтемісов атындағы Батыс Қазақстан университетінің Ғылыми кеңесінің 2023 жылғы 19 маусымдағы №10 хаттама шешімімен ғылыми кітапхананың

экслибрисімен бекітілді.

Ғылыми кітапхананың экслибрисінің авторы өнертану ғылымдарының магистрі, Еуразиялық Дизайнерлер Одағының мүшесі, аға оқытушы Нұрдәулет Асқарұлы

Хабадашев.

 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 5 из 48