31 қантар 2024ж. мәдениет және өнер оқу залында Көркем еңбек және мектептегі дизайн мұғалімдерін, сән және дизайн мамандарын дайындау БББ оқытушыларымен бірігіп суретші, қазақтың тұңғыш профессионал живописшісі Әбілхан Қастеевтің 120 жыл толуына орай «Қазақтың қылқалам шебері - Әбілхан Қастеев» атты іс-шара өткізілді.

Бұл кештің мақсаты: суретші Ә.Қастеевтің өмірбаяны, өнер және шығармашылық жолы туралы мәлімет беру, таныстыру. Кешке мектептегі көркем еңбек және дизайн, педагогика мамандықтарының студенттері және оқытушылар ф.ғ.к. Н.С.Тілеуханов, аға оқытушы Т.Ә.Хамзин, аға оқытушы М.Т.Отаров, аға оқытушы, магистр, ҚСО мүшесі Н.А.Хабадашев, аға оқытушы, магистр Дүйсенбаев А.Ж  қатысты.

Кеш барысында педагогика мамандығының 2-курс студенттері П.Тукес суретшінің өміржолдары мен шығармашылығына кеңінен тоқталып таныстырса, Т.Қосаев –И.Үркембайұлының «Қылқаламның атасы», І.Дағыстанова «Художник Қастеев» атты өлең жолдарын, Мирас Хожақметов Құрманғазының «Сарыарқа»күйін тарту етті. Сонымен қатар суретшінің шығармашылығы жөнінде бейне ролик көрсетілді.

Студенттер «Қылқалам», «Ақпарақ», «Кескіндеме»атты топтарға бөлініп суретшінің шығармасынан көшірме орындау және алған тақырыбы бойынша оқырманға таныстырды . Үздік деп танылған үш студент жұмысына аға оқытушы, ҚСО мүшесі М.Т.Отаров арнайы тоқталып марапаттады. Олар: ДизИ – 21 тобының студенті Аманжан Лилия, Мидк -11/1 тобының студенті Хуспанова Ясмина, ХТиДШ -21 тобының студенті Садирова Гүлдана. Шарада қатысушы студенттерді белсенділік танытқаны үшін ғылыми кітапхана директоры Т.Е. Алимбекерова атынан алғыс хаттармен оқырмандарды қамту бөлімінің меңгерушісі С.С.Нургалиева марапаттады. Студенттердің салған суреттеріне оқытушылар өз пікірлерін білдірді. Кітапханашы Гүлшира Шәденқызы кітап көрмесіне шолу жасады. Кеш соңында аға оқытушы Т.А.Хамзин шараның маңыздылығына тоқтала өтіп, студент жас суретшілерге ақыл кеңесін айтып өтті. Шара өз мақсатына жетті.

12 қантар 2024ж. Ауа райына қарамастан бір корпустан басқа корпусқа кітап тасумен өткен жұма күніміз. Бір отбасының қыздарындай  - біздің ұжым осындай!

03.01.2024ж.

Әбділманов А.Ә. Арнаулы сала тілін қалыптастырудың ғылыми – практикалық негіздері (мұнай және газ кенорындарын игеру мен пайдалану саласы терминдері бойынша) / А.Ә.Әбділманов. – Орал: «QUANYSN» баспасы, 2023. - 276 б.

Монографияда қазақ тіліндегі мұнай мен газ саласына қатысты қолданып жүрген лексикалық бірліктердің терминдену үдерісі мен әлеуеті зерттеуге алынған. Ізденіс жұмыста тұтас сала тілінің арнаулы сипатын анықтап арнаулы сала тілі екендігін анықтауға талпынған.

Кітап жоғары оқу орындарының филолог- студенттері мен терминология, арнаулы мақсаттар тілі мәселелерін зерттеушілерге және мұнай – газ саласы борйынша аудармашы мамандарға арналған.Зерттеу жұмысы қазақ тілінде қалыптасқан терминдер мен терминүміткер сөздердің әр жылдардағы статикалық еңбектерде (оқу құралдары, еңбек жорналдары, сөздіктерде т.б) талдау, саралау, салыстыру негізінде жүргізілген.

01.01.2024ж. Бүгін әріптесіміз, аяулы ана, Ғылыми кітапхана директоры Тоты Еркінқызын мерейлі 50 жасыңызбен шын жүректен құттықтаймыз!

оты Еркінқызы өз ісіңізге берілгендігіңіз бен кәсіби шеберлігіңіз, әділдігіңіз бен адамгершілігіңіз үшін әріптестеріңіз сізді білікті маман ретінде құрмет тұтып сыйлайды. Бүгінгідей мерейлі сәтте сізге еңбекте толағай табыстарға, мақсатта биік шыңдарға жете беруіңізді тілейміз. Әрдайым отбасыңыз аман, жүзіңіз жарқын, мерейіңіз үстем болсын! Бұл салада сіз өз білімділігіңізбен, тәжірибелілігіңізбен, адал еңбегіңізбен ерекшеленіп келесіз. Біліктілігіңіз бен іскерлігіңізді орайлы ұштастыра отырып, білім беру ісіне сүбелі үлесіңізді аянбай қосып келесіз. Сіздің бүгінгі қуанышты сәтіңіз - туған күніңіз құтты болсын!

29.12.2023ж. Жаңа жыл қарсаңында ректорымыз Нұрлан Хабиболлаұлы Серғалиевтың атынан ғылыми кітапхананың ардагерлерін жаңа жылдарымен құттықтадық. Ардагерлер жылы лебіздері мен өз ризашылықтарын білдірді. Жаңа жылда жаңа табыстарға жете берейік!

28 желтоқсан 2023 жылы “Махамбет үздіктері-2023” премиясының салтанатты табыстау рәсімі өтті.

Бұл рәсімде “Үздік жыл оқырманы” аталымының жеңімпазы Дене шынықтыру және спорт мамандығының 4 курс студенті Көшкінбаева Әмина Кәдірқызы иеленді. Әмина 1-4 курс аралығында кітапханаға 73 рет келіп, 92 кітап оқыған. Факультет белсендісі ФКС -43 тобының старостасы, педагогика факультетінің студенттерінен құралған “Ақниет” еріктілер ұйымының жетекшісі, ғылыми кітапхананың тұрақты оқырманы, өткізілген шараларға белсенді қатысушы.

ҚҰТТЫҚТАЙМЫЗ!!!

Жастарды кітап оқуға тарту арқылы студенттердің тұлғалық дамуына, ой-өрісін кеңейтуге ықпал ету, белсенді оқырмандарды анықтап, ынталандыру мақсатында Ғылыми кітапхана дәстүрлі түрде жыл сайын «Жыл оқырманы» байқауын өткізеді. Мақсаты: кітап оқудың маңыздылығын насихаттап, студент жастарды кітап оқуға тарту. Былтырғы «Жыл оқырманы - 2022» номинациясын жеңіп алған Тасболатов Айдос Қанатұлы қазіргі таңда Тахауи Ахтанов атындағы Ақтөбе облыстық драма театрының актері. Қазіргі жеңімпазымыз "Үздік жыл оқырманы" номинациясын иеленген Көшкінбаева Әминаны марапатымен құттықтаймыз. Алар асулары көп болсын.