5 наурыз 2024ж. ғылыми кітапхана мен жаратылыстану-география факультетінің ұйымдастыруымен қазақтың көрнекті жазушысы, драматург, публицист, қазақ әдебиетінің классигі Жүсіпбек Аймауытовтың туғанына 135 жыл толуына арналған «Ұлт мүддесін көздеген сыншы – қазақ жазушысы» атты әдеби кеш болып өтті. Кештің мақсаты келешек жастарға жазушы Ж.Аймауытовтың өмірі мен шығармашылығы туралы терең түсінік беріп, жазушының әдеби мұрасының негізгі ерекшеліктерін ұғындыру.

Аталмыш кешке филология ғылымдарының кандидаты, доцент Шайекенов Жангелді Жұмақайұлы келіп студенттерге Ж.Аймауытовтың шығармашылығы мен оның қазақ әдебиетіндегі қалдырған ізі туралы баяндады. Әрі қарай жазушының шығармашылығынан алынған “Неғып жатыр” өлеңін Сағындыққызы Дильназ, Серік Тұрғынбекұлының «Жүсіпбек» атты өлеңін Уалиоллина Дамира және Ержігіт Алдияр Ж. Аймауытовтың «Әнші» әңгімесінен үзінді оқып берді. Кеш барысында Манарбек Нұртілеу «Балбырауын» күйін орындап, Нурлыбаев Саят «Самға, қазақ» әнімен әдемі көңіл күй сыйлады.

Жаратылыстану-география факультетінің декан орынбасары К.С.Удреева, ғылыми кітапхана директоры Т.Е.Алимбекерова, кітапханашы В.С.Мухтарова кешті қорытындылап көрермендерге ризашылығы мен алғысын білдірді.

Жүсіпбек Аймауытов өзінің қысқа ғұмырында артына аса бай әдеби ғылыми мұра қалдырды. Ол Л.Н.Толстой, Н.В.Гоголь, Дж.Лондон, В.Гюго, А.С.Пушкиннің шығармаларын қазақ тіліне аударған аудармашы. Педагогика, психология, методика, эстетикалық тәрбие бағытында мақалалар жазған жазушы. Кеш өте әсерлі өтті.

14 наурыз 2024ж. педагогика, мәдениет және өнер оқу залында ғылыми кітапханамен «Көркем еңбек және мектептегі дизайн мұғалімдерін, сән және мамандарын дайындау» БББ оқытушылар мен студенттердің ұйымдастыруымен Наурыз мейрамына орай «Наурыз - береке бірлік бастауы» атты мәдени іс-шара өткізілді. Бұл мәдени іс-шараның мақсаты: қазақтың салт-дәстүрін жаңғырта отырып, ата-баба салтын сақтай отырып, ұлттық ойындарды дәріптеу.

Шара барысында «Қонақ күтуге», «Баланың туылуымен және тәрбиесіне», «Неке құруға» байланысты салт-дәстүрлер туралы ПиМНО-у23 студенттері Қосаев Тұрғанбек, Нурмуханова Н.А., Дағыстанова І.Б., Амреева К.Р. айтып , Амангелді Зинейра«Әриайдай» әнімен іс-шарамыздың көркін аша түсті. Сән және киім дизайны студенттерінің шығармашылық жұмыстарынан сән көрсетілімі тамашаланды. Хореография-11 студентері «Кербез» биін биледі. Оқытушы Мэлс Тасқалиұлының жетекшілігімен студенттер арасында «Асық» ойыны ойнатылып, нәтижесінде Джулыдығалиева Ж., Шаяхметов С. жеңіске жетті.Сазды аспаптар шебері Досқалиев Бейбітәлі Динкиевич домбыраның түрлері,қалай жасалу жолдары туралы айтып өтті. Құрманғазының «Сарыарқа» күйін Хожахметов Мирас орындады.

Шара соңында «Қара жорға» биі тамашаланып, Наурызға арналған дастарханнан келген қонақтар дәм татты.Шараны кітапхана директоры Тоты Еркінқызы қортындылады. Бүгінгі Наурыз мерекесіне арналған мәдени іс-шарамыз өз мәресіне жетті.

2024 жылы «Бір ел – бір кітап» республикалық акция аясында көрнекті жазушы, балалар әдебиетінің классигі Бердібек Соқпақбаевтың шығармаларын оқуға ұсынылды. Акцияның мақсаты – ұлттық әдебиетіміздегі ең үздік туындыларды оқу және насихаттау, рухани мұрамызды сақтау, сондай-ақ жастарға рухани-адамгершілік және патриоттық тәрбие беруге бағытталған.

Осы орайда ғылыми кітапхана қабырғасында 28 ақпан 2024ж. көрнекті жазушы, балалар әдебиетінің классигі Бердібек Соқпақбаевтың шығармашылығына арналған «Балалар әдебиетінің бәйтерегі» аттты әдеби кеш ұйымдастырылды. Кеш жазушының шығармашылығына арналған бейнебаяннан бастау алды.

Кеште БҚУ қауымдастырылған профессоры, филология ғылымдарының кандидаты Сұлтанғалиева Рита Бекжанқызы жазушының өмірі мен шығармашылығына кеңінен тоқталып өтті. Б.Соқпақбаевтың «Менің атым – Қожа» повесінен үзіндіні «Мұрагер» студенттік театры, театр жетекшісі Хореграфия және мәдени – тынығу БББ аға оқытушысы, магистр Искакова Индира Идиятовна, рөлде: Мәдениет және өнер факультетінің 2 курс студенттері Ермек Аида, Сырлыбайқызы Айшагүл, Мақсотов Арман әсерлі, қызықты орындап көрермен ықыласына бөленді.

Жазушының шығармаларынан сұрақтар қойылып, студенттер белсенді қатысты. Әрмен қарай кештің сәнін келтіре «Мен Қазақпын» әнін музыкалық білім беру бағдарламасының 1 курс студенті Мухитов Мәулет және «Самға» әнімен география – биология БББ 1 курс студенті Сайлауова Диана әуелете шырқады.

Жазушының шығармашылығына арналған кітап көрмесіне оқырмандарды қамту бөлімінің меңгерушісі С.С.Нургалиева библиографиялық шолу жүргізді.

27 ақпан 2024ж. педагогика мәдениет және өнер оқу залында халық ақыны, әнші, композитор Кенен Әзірбаевтың туғанына 140 жылдығына арналған «Жыр дүлдүлі Кенен» тақырыбында мәдени-танымдық іс шара өткізілді.

Шараның мақсаты: оқырмандарға ақынның жыр мұраларын кеңінен дәріптеу, ұлттық мәдениет пен бірегейлікті сақтау, жастарды өнерге баулу, азаматтық белсенділігін нығайту,өшпес із қалдырған Кенен Әзірбаев туралы түсінік беру.

Ақынның өмірі мен шығармашылығына арналған шара «режиссура, хореография, мәдени-тынығу жұмысы» БББ аға оқытушысы, магистр Султанова Мендигул Есламғалиевнаның, және осы білім бағдарламасының 2,3-курс студенттерімен ұйымдастырылды.

Мәдени-танымдық іс шара жүргізушілері Дина Ербузова мен Бағдат Есламгалиев кеш барысында К.Әзірбаевтың өмір жолы мен шығармашылығы, ақынның «Бозторғай» әнінің туу тарихы туралы мағлұмат беріп, ол бейнебаянда көрсетіліп, тамашаланды. «Режиссура, хореография, мәдени-тынығу жұмысы» БББ студенттері Ернар Аманжол, Аида Ермек, Нұрзада Медетқызы ақынның «Балалар, ата-ананың қадірін біл», «Қуанышты күн», «Базар, Назар», «Жүз жасаған Жамбылға» атты өлеңдерін оқырмандарға тарту етті. Жамбылова Қарақат, Ниетқали Аружан (дәстүрлі музыкалық өнер, халық әні БББ аға оқытушысы, магистр А. Мухамбетжанова сыныбы студенттері) ақынның «Басты өлең», «Жетісу әні» атты әндерін нақышына сай орындап кешіміздің ажарын аша түсті.

Аға оқытушы, куратор М.Е.Султанова тақырып маңызына тоқталып, кітапханашы Г.Ш.Айташова кітап көрмесімен таныстырып, кешке қатысқан студенттерге алғысын білдірді.

Мереке қарсаңында ғылыми кітапхана қабырғасында «Алғыс айту – парызым!» атты мерекелік кеш өтті. Кешке М.Өтемісов атындағы БҚУ-дың Хореграфия және мәдени-тынығу БББ аға оқытушысы, магистр Искакова Индира Идиятовна, Мектепке дейінгі және бастауышта оқыту педагогикасы аға оқытушы, магистр Маденова Лаззат Мутиголлиевна, университет тазалығы үшін ат салысып жүрген қызметкерлер, аяулы ана Габдушева Алия Байтурсыновна мен Нуришова Гульзада Жексенбаевна және студенттер қатысты.

Кеш мәдениет және өнер факультетінің вокалдық өнер БББ 4 курс студенті Махсотова Айнара «Жақсы адамдар» , “Алғыс” әнін шырқаумен басталды. Әрмен қарай кеш қонақтары мен студенттер арасында қызықты ойындар ойнатылып, жылы лебіздерін білдіріп әсерлі көңіл күй сыйлады. Ғылыми кітапхана директоры Тоты Еркінқызы мерекемен құттықтап, кеш қонақтарын мен студенттерге өз алғысын білдірді. Кеш қонақтары көңілді әрі қызықты кеш үшін ұжымға ризашылықтарын білдірді.

Біз осы Алғыс айту күнінің мереке есебінде күнтізбемізге енгеніне өте қуаныштыз. Жүрегіміз нұрға, көңіліміз жырға толып, әдемі еске қалар күні ғана емес, әрдайым бір-бірімізге жылы лебіз-тілектерімізді аямай жүруді сезіндік. Адам алғыс пен ризашылықты естіген сайын, жақсылық жасағысы кеп тұратының естен шығармайық.

21 ақпан 2024ж. ғылыми кітапхана қабырғасында белгілі француз жазушысы Жорж Сандтың туғанына 220 жыл толуына орай «Жазушы болу – үлкен өнер» атты әдеби кеш ұйымдастырылды.

Әдеби кешке шет тілі: екі шет тілі білім беру бағдармасының 1,2,3 – курс студенттері мен оқытушылар құрамы қатысты. Шарада жазушының өміржолына арналған бейнебаянмен Шет тілі: екі шет тілі БББ 3-курс студенттері Қайырова Томирис, Майлықұл Бахтияр екі тілде таныстырып өтті.

Аға оқытушы С.Б.Бекмухамбетова Жорж Сандтың шығармашылығына кеңінен тоқталып қызықты мәліметтермен бөлісті. Жазушының нәзік жандыларды гүлдерге теңестіріп жазған еңбегіндегі гүлдер туралы өлең шумақтарын ‘Le temps du muguet’ Ия-33топ студенттері Қауыс Амина, Мизамова Айсулу, Ажгереева Томирис, Жамбылова Дина, Махмудова Малика, Махамбетова Нұржанат нақышына келтіре орындап берді. Жорж Сандтың көптеген нақыл сөздері мен афоризмдер жиынтығын Аскарова Данель, Колганатова Алау айтып өтті. Жазушының өмірі туралы ‘De ma vie’ өлең шумақтарын Ия-33 топ студенті Сатанова Алтын оқыды. Кеш соңында ғылыми кітапхана директоры Тоты Еркінқызы әсерлі, қызықты кеш үшін студенттерге өз ризашылығын білдірді. Кеш соңы La scene әсем әнімен қорытындыланды.